ئىسرائىلىيەنىڭ ھۇجۇملىرىدا قازا قىلغان پەلەستىنلىكلەر سانى 32705 كە يەتتى

تۈركىيە ئاۋازى رادىيوسى خەۋىرى: غەززەدىكى پەلەستىن سەھىيە مىنىستىرلىقى باياناتچىسى ئەشرەف ئەلقۇدرە ئىسرائىلىيەنىڭ 176 كۈندىن بۇيان داۋام قىلىۋاتقان غەززە ھۇجۇملىرى توغرىسىدا مەلۇمات بەردى.

قۇدرا ئىسرائىلىيە قىسىملىرىنىڭ يېقىنقى 24 سائەت ئىچىدىكى غەززە ھۇجۇملىرىدا 82 پەلەستىنلىكنىڭ قازا قىلغانلىقىنى، 98 پەلەستىنلىكنىڭ يارىلانغانلىقىنى بىلدۈردى.

ئۇ ئىسرائىلىيەنىڭ 7-ئۆكتەبىردىن بۇيان داۋاملىشىۋاتقان غەززە ھۇجۇملىرىدا قازا قىلغان پەلەستىنلىكلەر سانىنىڭ 32 مىڭ 705 كە، يارىلانغانلار سانىنىڭ 75 مىڭ 190 غا يەتكەنلىكىنى ئەسكەرتتى.

سەھىيە مىنىستىرلىقى باياناتچىسى قۇدرە ھېلىھەم خارابىلىكلەر ئاستىدا ۋە يول بويلىرىدا قازا قىلغانلارنىڭ بارلىقىنى، ئەمما ئىسرائىلىيە قىسىملىرىنىڭ توسالغۇسى سەۋەبىدىن، داۋالاش ئەترەتلىرى ۋە خەلق مۇداپىئە خادىملىرىنىڭ جەسەتلەرنى يۆتكىيەلمەيدىغانلىقىنى قەيت قىلدى.