elmaliki isirailiyege heqiqiy bésim qilishni chaqiriq qildi
pelestin tashqi ishlar ministiri riyad elmaliki yawropaning pelestin dölitini étirap qilish herikitige «toghra yönilishte bésilghan qedem» dep baha berdi.
türkiye awazi radiyosi xewiri: pelestin tashqi ishlar ministirliqi yazma bayanat élan qilip, elmalikining bélgiye tashqi ishlar ministiri xadja lahbib bilen ramallahta körüshkenlikini bildürdi.
körüshüshte, isirailiyening ghezzede 7-öktebir (2023) din buyan bigunah puqralargha qarshi qiliwatqan irqiy qirghinchiliq urushi we insaniy shert-sharaitlar muzakire qilindi.
pelestin tashqi ishlar ministiri elmaliki bélgiyeni ghezzede dala doxturxanisi qurushqa chaqirip: «uzun muddetlik urush toxtitish, pelestin puqralirini xelqaraliq qoghdash we insanperwerlik yardemlirini bixeter halda yetküzüsh eng muhim mesililer hésablinidu» dédi.
u: «köpligen yawropa döletliride barliqqa kelgen <ikki dölet hel qilish charesi> ni kapaletke ige qilidighan, qoghdaydighan we toqunushlarni siyasiy yol bilen hel qilidighan shekilde pelestin dölitini étirap qilish heriketliri, pelestinni étirap qilishta derhal qarar chiqirish üchün toghra yönilishte bésilghan qedem hésablinidu» dédi.
u ghezzege qaritilghan urushni we puqralargha hujum qilishni toxtitishqa, yurt-makanliridin mejburiy köchürüsh siyasitini axirlashturushqa, mumkin bolghan eng qisqa waqit ichide ghezzege insanperwerlik yardemlirini yetküzüshke mejburlash üchün, isirailiye hökümitige heqiqiy bésim qilish kéreklikini tekitlidi.