پ ك ك تەرەپدارلىرى بېلگىيەدە قالايمىقانچىلىق پەيدا قىلدى

تۈركىيە ئاۋازى رادىيوسى خەۋىرى: تەشكىلاتقا سىمۋوللۇق قىلىدىغان لاتىلار بىلەن تەشكىلات كاتتىباشلىرىنىڭ رەسىملىرىنى كۆتۈرۈۋېلىشقان بۆلگۈنچى تېررورلۇق تەشكىلاتى تەرەپدارى 150 كىشى تۈنۈگۈن شۇ يەر ۋاقتى سائەت 12:00 دە ياۋروپا پارلامېنتى ئالدىدىكى لىيۇكسېمبۇرگ مەيدانىغا يىغىلىپ قالايمىقانچىلىق چىقاردى،  تۈركىيەگە قارشى شوئارلارنى توۋلىدى.

تەشكىلات تەرەپدارلىرى مەيدان ئەتراپىدىكى توسۇقلارنى پاچىلاپ، ساقىچلارغا ئاتتى. ساقچىلار ئۆزلىرىگە ئورۇندۇق ۋە تاشلارنى ئېتىپ ھۇجۇم قىلغان پ ك ك تەرەپدارلىرىنى ياش ئاققۇزۇش بومبىسى ئىشلىتىپ تارقاقلاشتۇرۇشقا تىرىشتى.

ئۇلار ئالدى بىلەن تۈركىيەنىڭ بىريۇسسېلدىكى ئەلچىخانىسى جايلاشقان كوچىغا، ئاندىن ياۋروپا ئىتتىپاقى ئورگانلىرى جايلاشقان شۇمان مەيدانىغا قاراپ ئىلگىرىلىمەكچى بولغان بولسىمۇ، ساقچىلارنىڭ توسىقىغا دۇچ كەلدى.