israiliyede nétanyahugha qarshi namayish dolquni barghansiri kücheymekte

türkiye awazi radiyosi xewiri: paytext tél awiwde yene tümenligen israiliye puqraliri yighilip, nitaniyahuni istipa bérishke chaqirdi.

israiliyelik namayishchilar tél awiwning qaplan kochisigha toplandi we bash ministir nitaniyahugha naraziliq bildürüp, «sen bashta turiwatisen, sen jinayetchi», «hujumlar tinchliq élip kelmeydu» dep shoarlarni towlidi.

ghezeplengen amma démokratiye meydanigha yürüsh qildi. namayishchilar israiliye bash ministiri nitaniyahu we bir qisim kabinét ezalirining modéllirigha ot qoydi.

nitaniyahugha qarshi turghuchilar israiliye urush kabinétining pelestin qarshiliq körsitish herikiti hamasning urush toxtitish we esir almashturush teklipini qobul qilmighanliqigha naraziliq bildürdi.

namayishchilar «urushni toxtat! derhal hazirla!» dep yézilghan lozinkilarni kötürdi.

israiliye saqchiliri bilen namayishchilar arisida pat-pat toqunush yüz berdi.

ghezze rayonida tutup turuluwatqan israiliyelik esirlerning aile-tawabiatlirimu nétanyahuning hayfagha yéqin qeyseryagha jaylashqan öyi aldida namayish qildi.

namayish jeryanida, hökümetke israiliyelik esirlerning baldurraq yurtigha qaytip kélishige kapaletlik qilish chaqiriqi élan qilindi.