moskwa: hujumda ölgenler sani 115 ke yetti... hujumning bezi gumandarliri qolgha chüshürüldi
rusiyening paytexti moskwagha yéqin krokus sheherlik hökümetning konsért zalida yüz bergen tünügünki térrorluq hujumida qaza qilghanlar sani 115 ke yetti, 146 adem yarilandi.
türkiye awazi radiyosi xewiri: rusiye tekshürüsh komitéti bayanat élan qilip, mutexessislerning weqe yüz bergen jaydiki tekshürüsh xizmetlirini dawamlashturuwatqanliqi bildürdi؛ bayanatta: «térrorluq hujumi netijiside 115 kishining qaza qilghanliqi éniqlandi, epsuski, ziyankeshlikke uchrighuchilar sani köpiyishi mumkin» dégen ibarilerge orun bérildi.
hujumgha chétishliqi barliqi ilgiri sürülgen ikki kishi biryanskqa yéqin jayda mashina bilen qéchishqa urunuwatqan esnada qolgha chüshürüldi؛ mashinida tapancha, aptomat oqdini we pasport tépildi. rusiye istixbarat idarisi 4 nepiri weqege arilashqan térrorchilar bolup, jemiy 11 kishini nazaret astigha aldi.
hujumning jawabkarliqini daésh térrorluq teshkilati üstige aldi.
tünügün kechte aptomatlarni kötürüwélishqan besh hujumchi konsért zaligha kirip, etraptikilerni qalaymiqan oqqa tutqan؛ weqe jeryanida binada partlash, arqidin ot apiti yüz bergenidi.
weqedin kéyin. moskwa we bir qisim sheherlerde bixeterlik tedbirliri kücheytilgen, moskwadiki hepte axirigha orunlashturulghan barliq ammiwi paaliyetler emeldin qaldurulghanidi.
