mesjidi eqsada 100 ming adem terawih namizi ötidi

türkiye awazi radiyosi xewiri: mesjidi eqsani bashqurush ishlirigha mesul «quddus islam fondi jemiyiti» yazma bayanat élan qilip, bügünki xupten we terawih namizigha 100 ming musulmanning qatnashqanliqini bildürdi.

israiliye saqchiliri 2023-yili 7-öktebirdin buyan pelestinliklerning mesjidi eqsagha kirishige yol qoymighan, uda bir qanche hepte boyiche jüme namizigha texminen 5000 kishilik jamaet kéleligenidi.

israiliye saqchiliri bilen mesjidi eqsagha kirishke ruxset qilinmighan pelestinlikler otturisida sürkilishler yüz bergenidi. israiliye saqchiliri pelestinliklerni yash aqquzush bombisi we sésiq puraqliq su ishlitip tarqaqlashturghanidi.

israiliye saqchilirining ramizan éyining yétip kélishi bilen birlikte cheklimini boshashturushigha egiship, 120 ming kishi mesjidi eqsada jüme namizi oqughanidi.

ishghal astidiki gherbiy qirghaq bilen qudus otturisidiki 2003-yili yasalghan béton tam boyida nurghun israiliye herbiy tekshürüsh ponkitliri bar.

israiliye normal künlerde iyordan deryasining gherbiy qirghiqidiki pelestinliklerning alahide ijazetname alghan kishilerdin bashqilarning quddus terepke ötüshige yol qoymaydu.

sherqiy quddus we iyordan deryasining gherbiy qirghiqi 1967-yildin buyan israiliyening ishghaliyiti astida turmaqta.