qendeharda bankada adem bomba hujumi yüz bergen
afghanistanning jenubigha jaylashqan qendehar wilayitide tünügün (21-mart) adem bomba hujumi yüz bérip, 26 kishi jénidin ayrildi.
türkiye awazi radiyosi xewiri: b b s (BBC) ning qendehar wilayitidiki eng chong bolghan mirweyis doxturxanisining bir doxturining weqe toghrisida éytqanlirini neqil qilghan xewiride bildürülishiche, tünügünki adem bomba hujumida jénidin ayrilghanlar 26 ge, yarilanghanlar 38 ge yetken.
kabul bankasining qendehardiki shöbiside etigen terepte adem bomba hujumi yüz bergen idi. hujumgha hazirche héchqandaq teshkilat yaki shexs mesul ikenlikini élan qilmidi.
afghanstan taratquliridiki xewerlerde qeyt qilinishiche, hujum dölet memurliri maashini élish üchün bankada öchirette turuwatqanda yüz bergen.
taliban 2021-yili awghustta afghanistangha hökümranliq qilishni bashlighandin tartip, xewpsizlikte ilgirileshler barliqqa kelgen bolsimu, emma pat-pat zorawanliq hujumliri yüz bérip turmaqta.
ilgiri nopusining köp qismi shie bolghan hazarlargha qilinghan hujumlarning jawabkarliqini térrorluq teshkilati daésh üstige alghan idi.
