amérika husiylarning uchquchisiz hawa we kapitansiz déngiz apparatlirini étip chüshürdi
amérika qoshma ishtatliri yemendiki iran qollawatqan husiylarning bir uchquchisiz hawa apparati bilen bir kapitansiz déngiz apparatini «yolluq qoghdinish dairiside» yoqitip tashlighanliqini bildürdi.
türkiye awazi radiyosi xewiri: amérika armiyesi merkizi qomandanliq ishtabi-séntkom (CENTCOM) ijtimaiy taratqu supisi «X» tiki adrésida hujum toghrisida bayanat élan qilip, birleshme armiyening qizil déngizda husiylarning bir uchquchisiz hawa apparatini étip chüshürgenlikini we bir kapitansiz déngiz apparatini pachaqlap tashlighanliqini uqturdi.
amérika mashinilirigha héchqandaq ziyan yetmigenlikige isharet qilinghan bayanatta: «bu heriketler déngiz qatnishi erkinlikini qoghdash we xelqara déngiz tewelikini amérika amérika déngiz armiyesi we soda paraxotliri üchün téximu bixeter haletke keltürüsh üchün élip bérildi» dégen ibarilerge orun bérildi.
yemendiki iran qollawatqan husiylar 31-öktebir (2023) din buyan isirailiyening ghezzediki hujumliridin intiqam alidighanliqini ilgiri sürüp, yemen déngiz tewelikide isirailiye shirketliri bilen chétishliqi barliqini ilgiri sürgen soda paraxotlirini musadire qilishni, bezilirige uchqu we bashqurulidighan bombilarni ishlitip hujum qilishni dawamlashturmaqta.
dunyadiki nurghun xelqaraliq déngiz tiransiport shirketliri husiylarning hujumliridin kéyin qizil déngizdiki paraxot qatnishini bikar qildi.
amérika dunya déngiz sodisining xeterge duch kelgenlikini ilgiri sürüp, 2023-yili 18-dékabir bir qatar döletlerning awaz qoshushi bilen, husiylargha qarshi «dölet parawanliqini qoghdash etriti» dégen nam astida xelqaraliq déngizda wezipe ötigüchi qisim teshkilligenlikini élan qilghanidi.
