nétanyahu refahqa hujum qilish pilanini testiqlighan
isirailiye bash ministri nétanyahu refahqa hujum qilish pilanini testiqlighanliqini, puqralarni rayondin chiqirish pilanini bolsa «pat yéqinda» testiqlaydighanliqini bildürgen.
türkiye awazi radiyosi xewiri: isirailiye bash ministirliq ishxanisi nétanyahuning 18-mart (2024) amérika pirézidénti jo baydin bilen ötküzgen téléfon téléfon söhbiti toghrisida bayanat élan qildi.
bayanatta bildürülishiche, nétanyahu deslepte hamasni yoqitish mesiliside baydin bilen kélishim hasil qilghanliqlirini ilgiri sürüp: «urushta bu nishangha yétishning eng yaxshi yoli toghrisida otturimizda ixtilaplarning barliqi sir emes» dégen.
nétanyahu urush bashlanghan künlerde baydingha isirailiye armiyesi ghezzege kirmey hamasni yingishining mumkin emeslikini éytqan. kéyinki künlerde bolsa, hamasning qépqalghan birigadilirini yoqitish üchün refahqa kirmey ghelibni qolgha keltürüshning mumkin emeslikini qeyt qilghan.
u baydingha melumat bergende, isirailiye armiyesining refahqa hujum qilish pilanini testiqlighanliqlirini eskertip: «pat yéqinda puqralarni urush rayonliridin tarqaqlashturush pilaninimu testiqlaymiz» dégen.
u yene, refahqa hujum qilish pilanining bir az waqit alidighanliqini eskertip mundaq dégen:
«biz xan yunusta, merkezdiki lagérlarda, shifada qilghinimizgha oxshash, hamasning yuqiri derijilik emeldarlirini yoqitish, tutush we yüzlerche térroristni yoqitish herikitimizni dawamlashturimiz.»
isirailiyening 7-öktebir (2023) din buyan dawamlashturuwatqan ghezze hujumlirida eng az dégende 14 ming kichik bala, 9 ming 220 ayal bolup jemiy 31 ming 923 pelestinlik jénidin ayrildi, 74 ming 96 kishi yarilandi. xarabilikler astida téxiche minglarche jesetning barliqi bildürülmekte.
