blinkén seudi erebistan shahzadisi muhemmed bin selman bilen körüshti

türkiye awazi radiyosi xewiri: seudi erebistan tashqi ishlar ministiri feysal bin ferhan dölitide ziyarette bolghan amérikaliq mensepdishi antoniy blinkén bilen israiliyening hujumi astidiki ghezzede urush toxtitishning zörüriyiti we israiliyening quruqluqtin hujum qilidighanliqini éytip tehdit salghan refah shehirining weziyitini muzakire qildi.

seudi erebistan tashqi ishlar ministirliqi bayanat élan qilip, ministir bin ferhan bilen amérika tashqi ishlar ministiri antoniy blinkénning jiddede körüshüp, ikki tereplik munasiwet we her qaysi sahelerdiki hemkarliqni kücheytish mesililirini muzakire qilghanliqini uqturdi.

israiliyening hujumliri astidiki ghezzede urush toxtitishni kapaletke ige qilish we israiliye hujum qilidighanliqini éytip tehdit séliwatqan sergerdan pelestinliklerning panahgahi refahning weziyitini muhakime qilghan bin ferhan bilen blinkén, ghezzege jiddiy insanperwerlik yardimi yetküzüp bérish yolidiki tirishchanliqlarni muzakire qildi.

israiliye bash ministiri bényamin nétanyahu ghezzening jenubigha jaylashqan refah shehirige quruqluqtin hujum qilish pilanini testiqlighanliqini we rayondiki puqralarni tarqaqlashturush pilanini «pat yéqinda» testiqlaydighanliqini bildürgenidi.

israiliyening 7-öktebirdin buyanqi ghezze hujumlirida kem dégende 14 mingi bala we 9 ming 220 si ayal bolup, jemiy 31 ming 923 pelestinlik qaza qildi, 74 ming 96 adem yarilandi.

igilinishche, xarabilikler astidimu minglarche jeset bar iken.