yawropa kéngishi ukrainagha 5 milyard yawroluq yardem bérish pilanini testiqlidi
yawropa ittipaqi kéngishi ikki yildin köprek waqittin buyan rusiyege qarshi jeng qiliwatqan ukrainagha herbiy yardem bérishke ishlitilidighan mebleghning sommisining 5 milyard yawro köpeytilidighanliqini élan qildi.
türkiye awazi radiyosi xewiri: yawropa ittipaqi kéngishi bayanat élan qilip, «yawropa tinchliq fondi» namliq pul-muamile fondining meblighining 5 milyard yawro köpeytilip, uning dairiside «ukraina yardem fondi» qurulghanliqini uqturdi.
bayanatta körsitilishiche, ukraina yardem fondi, herbiy üsküniler we meshiqler arqiliq ukraina qoralliq qisimlirining éhtiyajini qandurushni meqset qilidiken.
yawropa ittipaqining tashqi munasiwet we bixeterlik siyasiti boyiche aliy wekili josép borrél bu qararning yawropa ittipaqining wedisini emelge ashurghanliqining ipadisi ikenlikini otturigha qoyup: «bu fondi arqiliq biz ukrainaning rusiyege qarshi urushta özini qoghdishi üchün kéreklik yardemlerni uzunghiche bérishni dawamlashturimiz» dédi.
bu qarardin kéyin, yawropa tinchliq fondining 2021-2027-yilliq maliye yuqiri chéki 17 milyard yawrodin éship ketti.
yawropa ittipaqining ukraina armiyesini teminligen omumiy yardem miqdarining 33 milyard yawrogha yetkenliki mölcherlenmekte.
