girétsiye bir köchmenge zorawanliq qilghan töt saqchini nazaret astigha aldi
girétsiyening paytexti afinagha yéqin yergen jaylashqan amigdalézadiki köchmenlerni qobul qilish merkizide ishlewatqan töt chégra saqchisi köchmenlerge mushtumzorluq qilish bilen eyiblinip, nazaret astigha élindi.
2116260
türkiye awazi radiyosi xewiri: girétsiye puqralarni qoghdash ministirliqi bayanat élan qilip, shikayetke asasen élip bérilghan tekshürüshte, töt neper chégra saqchisining merkezde turuwatqan bir köchmenni urghanliqining delillengenlikini uqturdi.
tayaq yégen köchmenning qowurghisining sunup ketkenlikige isharet qilinghan bayanatta, weqege chétishliq chégra saqchilirining munasiwetlik teptish mehkimisige yollanghanliqi tekitlendi.
bayanatta yene, saqchilarning jismaniy zorawanliq qilish jinayiti sadir qilish bilen eyiblengenliki we zorawanliqqa uchrighan köchmenning doxturxanida dawaliniwatqanliqi qeyt qilindi.
مۇناسىۋەتلىك خەۋەرلەر
