makron: rusiye urushta ghelibe qilsa, yawropaning inawiti nölge chüshüp qalidu
firansiye pirézidénti émmanuél makron: «eger rusiye ukrainadiki urushta ghelibe qilsa, yawropaning inawiti nölge chüshüp qalidu» dédi.
türkiye awazi radiyosi xewiri: firans 2 we TF1 qanallirining birleshme tarqitishigha qatnashqan firansiye pirézidénti émmanuél makron, urushning yawropa zéminida dawam qiliwatqanliqini otturigha qoyup: «istrasburg bilen liwiw otturisidiki musape 1500 kilométirghimu yetmeydu. eger rusiye urushta ghelibe qilsa, yawropaning inawiti nölge chüshüp qalidu» dédi.
eger moskwa hökümiti urushta ghelibe qilip qalsa, özlirining bixeter bolmaydighanliqini we yawropaning urushqa teyyar turushi kéreklikini otturigha qoyghan firansiye pirézidénti makron: «bizning birla nishanimiz bar؛ rusiye urushta ghelibe qilalmaydu we ghelibe qilmasliqi kérek» dédi.
2022-yildin bashlap rusiye bilen urush qiliwatqan ukrainagha esker ewetish toghrisida toxtalghan makron: «bu tallashlarning hemmisi mumkin؛ buning birdinbir jawabkari moskwa hakimiyiti bolidu» dégenlerni qeyt qildi.
firansiyening yadro qorallirining firansiyeliklerning bixeterlikige kapaletlik qilghanliqini ilgiri sürgen makron, rusiyening ukraina bilen bolghan urushta ghelibe qilishining firansiyeliklerning turmushining özgiridighanliqidin dérek béridighanliqini eskertti.
مۇناسىۋەتلىك خەۋەرلەر
