amérika awam palatasi tiktokni cheklesh qanun layihesini maqullidi
amérika awam palatasi «dölet xewpsizlikige munasiwetlik mesile peyda qilish» sewebi bilen, tiktokni meni qilish qanun teklip layihesini testiqlap, kéngesh palatasigha ewetti.
türkiye awazi radiyosi xewiri: awam palatasi tiktokni meni qilish qanun teklip layihesini testiqlidi. palatada ötküzülgen awaz bérishte, 65 ke qarshi 352 awazning qollishi bilen, «amérikaliqlarni chet el düshmenlerche kontrol qilghan yumtallardin qoghdash qanuni» namliq teklip layihesi maqullandi.
qanun layihesi tiktokning xitayning baytdens (ByteDance) shirkitining shirketni sétishini, eksiche bolghanda, tiktokning munasiwetlik yumtal magézinliridin besh ayliq muddet bilen chekleshni yaki pütünley chekleshni teklip qilidu.
jumhuriyetchiler bilen démokratlarning birlikte awaz bérishi bilen qobul qilinghan layiheni qollighanlar, xitayning baytdens shirkitining tiktok arqiliq qolgha chüshürgen amérika puqralirining uchurlirini xitay hakimiyitige yetküzüdighanliqini otturigha qoymaqta. qanun layihesige qarshi chiqqan kongre ezaliri bolsa, «tiktok toplighan uchurlirini xitay hakimiytige béridu» dégen eyibleshke ispat bolushi kéreklikini, yumtalni meni qilishning «pikir erkinlikini cheklesh» bolidighanliqini bayan qoymaqta.
tiktok shirkiti yumtalni meni qilishning emeliyetke uyghun emeslikini we özlirining amérikadiki bashqa ijtimaiy taratqu supilirigha oxshash, pütünley amérika qanunlirigha asasen xizmet qilghanliqini ilgiri sürmekte.
qanun teklip layihesi awam patasida mutleq üstülük bilen maqullanghandin kéyin, hemmining diqqiti kéngesh palatasigha merkezleshti.
pirézidént baydin qanun teklip layihesi üstilige qoyulghan ehwalda, dölet xewpsizlikige bolghan sezgürlüki sewebidin testiqlaydighanliqini jakarlighan idi.
