amérika ukrainagha jiddiy herbiy yardem ewetidu
amérika hökümiti péntagon (dölet mudapie ministirliqi) ning ukrainagha ajratqan xamchotida pul qalmighan bolsimu 300 milyon dollarliq «jiddiy herbiy yardem» ewetidighanliqini élan qildi.
türkiye awazi radiyosi xewiri: amérika dölet xewpsizlik meslihetchisi jék sulliwan (Jake Sullivan) aqsarayda ötküzülgen axbarat élan qilish yighinida, ukrainagha ewetilidighan yardemning tepsiliy mezmuni üstide toxtaldi.
u péntagonning ukrainagha ajritilghan xamchoti axirlashqan we yardem üchün 60 milyard dollarliq qoshumche yardem teklip layihesi kongredin ötmigen bolsimu, kiyéwgha jiddiy yardem qilishqa mejbur ikenliklirini bildürdi.
u: «ukrainaning qolida yéterlik oq-dorisi qalmidi. bu urush sepliride zémin we eskerlirini yoqitip qoyushqa seweb bolmaqta. buningdin bashqa, istratégiyelik menidin éytqanda, amérika bilen nato ittipaqigha xirajet élip kélidu. ukrainagha ewetilidighan 300 milyon dollarliq jiddiy herbiy yardem peqet ukraina armiyesige qisqa waqit yétidu, uzungha barmaydu, shunga kongrede saqliniwatqan qoshumche xamchot qanun teklip layihesi baldurraq maqullinishi kérek» dédi.
