ispaniye bash ministiri pelestin dölitini étirap qilishni qayta tekiltidi
ispaniye bash ministiri pédro sanchéz parlaméntning bu qétimqi qanun chiqirish mezgilide pelestin dölitini étirap qilish toghrisida bir qarar chiqirishi üchün tirishidighanliqini yene bir qétim tekitlidi.
türkiye awazi radiyosi xewiri: sanchéz bask rayonigha tewe bilbaw shehiride qilghan sözide, hökümet bolush süpiti bilen pelestin dölitini étirap qilish üchün qarar tékistini bu qétimqi qanun chiqirish mezgilide parlaméntqa sunidighanliqini éytti.
xelqara tinchliq konféransi ötküzüsh we ikki döletlik hel qilish charisi üchün tirishiwatqanliqini bildürgen sanchéz, pelestin dölitini étirap qilishni exlaqiy étiqat we heqqany bir dewa bolghanliqidin shundaqla israiliye bilen pelestinning ikki dölet süpitide birlikte yashishining birdin bir yoli bolghanliqidin telep qilidighanliqini eskertti.
sanchéz 2023-yili 15-noyabirda parlaménttin az sanliq sol qanat birleshme hökümiti üchün ishench awazi telep qilghan chaghdiki sözidimu, «yéngi hökümetning aldinqi qatardiki ishi pelestin dölitini étirap qilish üchün tirishishtur» dégen idi.
yawropa ittipaqidiki bashqa döletler bilen birlikte bu qararni chiqirishni telep qilghan, emma hazirghiche élip bérilghan diplomatiyede yéterlik qollashlargha érishelmigen sanchéz, yanwardin buyanqi bayanatlirida, ispaniyening pelestin dölitini étirap qilish herikitining ishikini ochuq qoyghanliqini we 4 yilni öz ichige alghan mushu qétimqi qanun chiqirish mezgilide ishqa ashidighanliqini bildürgen idi.
