esir almashturush muzakirelirining dawamlishiwatqanliqi bildürüldi
amérikaning isirailiyede turushluq bash elchisi jakob j.léw (Jacob J. Lew) tél awiw hökümiti bilen hamas otturisida esir almashturush üchün élip bériliwatqan wastiliq uchrishishlarning «emeldin qalmighanliqi» ni bildürdi.
türkiye awazi radiyosi xewiri: amérikaning isirailiye bash elchisi léw tél awiwda ötküzülgen bir yighinda, esir almashturush muzakireliri üstide toxtaldi.
u muzakirelerning «emeldin qalmighanliqi» ni eskertip, «hazirghiche söhbetlishiwatimiz, hazirmu uchrishishlarmu dawamlishiwatidu» dédi.
u ghezzede ramizan (11-mart) bashlinishtin ilgiri kélishim hasil qilinishning intayin muhim ikenlikini bildürüp, terepler otturisida «pikir oxshimasliqlirining azayghanliqi» ni qeyt qildi.
misir taratquliri 3-mart (2024) paytext qahirede, misir, qatar, hamas we amérika wekillirining qatnishishi astida muzakirelerning bashlaghanliqini uqturghan idi.
hamas tünügün (7-mart) bayanat élan qilip, urush toxtitish söhbiti ötküzüwatqan heyetning, hamas rehberliri bilen meslihetlishish üchün qahiredin ayrilghanliqini, muzakireler we isirailiyening ghezzege qaritiwatqan hujumlirini toxtitish tirishchanliqlirining dawamlishiwatqanliqini élan qilghan idi.
