shiwétsiye natogha resmiy qobul qilindi
shiwétsiye amérika paytexti washingtonda ötküzülgen eza bolush murasimi bilen, natoning resmiy 32-ezasi boldi.
türkiye awazi radiyosi xewiri: nato bash katipi stolténbérg éks (X) adrésida uchur hembehrlep, shiwétsiyening natogha resmiy eza bolghanliqini bildürdi.
u uchurida, «shiwétsiye natoning 32-ezasi boldi we arimizda özige layiq orungha ige boldi. düshenbe (11-mart) nato merkizide bayriqini chiqirishini töt köz bilen kütmektimen. shiwétsiyening natogha eza bolushi natoni téximu küchlük, shiwétsiyeni we ittipaqni téximu bixeter qilidu» dédi.
natoning bu heqtiki yazma bayanatigha asaslanghanda, nato merkizide 11-mart shiwétsiyening ezaliqi üchün resmiy murasim ötküzülidiken.
bash katip stolténbérg we shiwétsiye bash ministiri ulf kristérsonning murasimgha qatnishidighanliqi we shiwétsiyening bayriqi chiqirilidighanliqi qeyt qilindi.
türkiye büyük millet mejlisi (parlaménti) ning 23-yanwar (2024), wéngiriye parlaméntining 26-féwral testiqlishi netijiside, barliq nato dölet parlaméntliridiki testiq musapisining axirlishishi bilen, shiwétsiyening ezaliqi axirqi basquchqa kelgen idi.
