amérika paraxotida ikki xadimning jénidin ayrilghanliqi bildürüldi

türkiye awazi radiyosi xewiri: xusiylarning herbiy bayanatchisi yehya seri éks (X) adrésida élan qilghan bayanatida, «amérikaning eden boghuzidiki <TRUE CONFIDENCE> paraxotigha nurghun bashqurulidighan bombilar étildi, paraxotqa ot ketti» dédi.

u mezkur hujumning paraxot xadimliri «agahlandurush» larni ret qilghandin kéyin, qilinghanliqini eskertti.

u xusiylarning «mezlum pelestin xelqini qollash we yardem qilishta, diniy, exlaqiy shundaqla insaniy burchlirini dawamliq ada qilidighanliqliri» ni tekitlep, isirailiyening pelestin xelqige yürgüzüwatqan qorshawini emeldin qaldurup, ghezzege qiliwatqan hujumlirini toxtatqiche qizil déngiz bilen omman déngizidiki hujmulirining dawamlishidighanliqini qeyt qildi.

engliyening sanaa elchixanisi éks (X) bétide yazma bayanat élan qilip, xusiylarning hujumida ikki paraxot xadimining jénidin ayrilghanliqini bildürdi. emma, nam-sheripi toghrisida héchqandaq melumat bérilmidi.

amérika hökümitimu bu toghrida héchqandaq melumat élan qilmidi.