gollandiye awam palatasida pelestinni qollap, olturush namayishi ötküzüldi
lahey shehiridiki awam palatasining kirish qismida pelestinni qollap olturush namayishi teshkilligen bir guruppa namayishchi saqchilar teripidin uzaqlashturulup, palatadin sirtqa chiqirildi.
türkiye awazi radiyosi xewiri: namayishchilar «gollandiye nomus qil! qolliring qanliq!», «deryadin déngizghiche, pelestin azad bolidu!», «emdi urushni toxtat!» we «pelestinge erkinlik!» qatarliq shoarlarni towlidi.
parlamént ezaliri ötküzgen yighin jeryanida, ziyaretchiler munbiride olturghan bir guruppa namayishchilar yighin zaligha pelestin bayriqini asti.
chilining paytexti santiyagodimu israiliyege qarshi namayish ötküzüldi.
pelestinni qollaydighan bir gurruppa namayishchi chilining paytexti santiyagodiki israiliye elchixanisining aldida yighilip, israiliyening ghezzege qaratqan ejellik we weyran qilghuch hujumlirini eyiblidi.
namayishchilar ghezzediki insanperwerlik krizisini we pajieni axirlashturush üchün derhal urush toxtitish kéreklikini hemde chili hökümitidin israiliye bilen bolghan soda munasiwitini üzüp tashlashini telep qildi.
israiliyening 7-öktebirdin buyan ghezzege qiliwatqan wehshiyane hujumlirida öltürülgen pelestinliklerning sani 31 minggha, yarilanghanlarning sani 73 minggha yetti.
