israiliyede bash ministir bényamin nétanyahuning hakimiyitige bésim kücheymekte
esirlerning aililiri we qollighuchiliri gherbiy quddusta namayish ötküzdi.
türkiye awazi radiyosi xewiri: namayishchilar ghezzede urush toxtitishni we pelestin qarshiliq körsitish herikiti hamas bilen esir almashturushni telep qildi.
hökümetning urush siyasitini tenqid qilghan namayishchilar, esir almashturush üchün yéngi kélishim tüzülishi kéreklikini telep qildi.
namayishchilar «nitaniyahu meghlub boldi» dédi we hökümetning her sahede ishlarni téximu nacharlashturuwetkenlikini bildürdi.
esirlerning aililiri misirdiki muzakire jeryanini qayta bashlashqa chaqiriq qildi.
namayishchilar esirlerni qayturup kélish üchün heriketketke ötüshni telep qilmaqta. lékin nitaniyahu hökümiti hetta esirlerning aile-tawabiatlirining körüshüsh telipinimu ret qilip kelmekte.
nitaniyahugha qarshi turghuchilar israiliyening paytexti tél awiwda namayish ötküzdi.
minglighan namayishchilar dölet mudapie ministirliqining aldida yighilip, nitaniyahu hökümitini istipa bérishke chaqirdi we muddettin burun saylam ötküzüshni telep qildi.
israiliye saqchiliri namayishqa qattiq ariliship 7 namayishchini qolgha aldi.
