péskow: gherb ukrainagha esker yollisa, nato-rusiye otturisida toqunush yüz bérishi muqerrer
rusiye gherb döletliri ukrainagha esker ewetken teqdirde, shimaliy atlantik ehdi teshkilati — nato -rusiye otturisda toqunush yüz bérishiining muqerrer ikenlikini élan qildi.
türkiye awazi radiyosi xewiri: rusiye pirézidéntliq mehkimisi — kirémil bayanatchisi dimitriy péskow, paytext moskwada «firansiye pirézidénti émmanuél makronning ukrainagha esker ewetish éhtimalliqigha sel qarimasliq kérekliki» toghrisidiki sözliri heqqide muxbirlargha bayanat berdi.
dimitriy péskow bu éhtimalliqni küntertipke élip kirishning muhim we yéngi bir ish ikenlikini bayan qilip: «biz firansiye prézidéntining bayanatining bashqa tereplirini alliburun anglighan we uni nezerge alghaniduq. biz yene makronning rusiyeni istratégiyelik meghlubiyetke uchritishning zörürlüki toghrisidiki pozitsiyesinimu obdan bilimiz» dédi.
u <gherb döletliri ukrainagha esker ewetken teqdirde, nato bilen rusiye otturisida toqunush yüz béremdu-yoq?> dégen soalgha: «bundaq ehwalda mumkinchiliktin emes, belki muqerrerliktin éghiz échishqa toghra kélidu. biz buninggha mushundaq qaraymiz» dep jawab berdi.
natogha eza döletlerning bu xil heriketlerni estayidil muhakime qilishi kéreklikini otturigha qoyghan péskow: «ular özliridin bu ishning özining menpeetige, eng muhimi öz dölitining puqralirining menpeetige mas kélidighan-kelmeydighanliqini sorishi kérek» dédi.
makron tünügün bayanat bérip, ikki yildin köprek waqittin buyan rusiyege qarshi jeng qiliwatqan ukrainagha esker ewetish mesiliside yawropa döletliri arisida birdeklikning yoqluqini, emma, bu éhtimalliqqa sel qarashqa bolmaydighanliqini éytqanidi.
