зеленский деңиз йолиниң ечилиши мәсилисидә әрдоғанға ишинидиғанлиқини ейтти
украина пирезиденти володимир зеленский миколайив районида деңиз йолиниң ечилиши мәсилисидә, җумһур рәис рәҗәп таййип әрдоғанниң украинаға йардәм берәләйдиғанлиқиға ишинидиғанлиқини ейтти.
2107353
түркийә авази радийоси хәвири: пирезидент зеленский украинаниң пайтәхти кийевда өткүзүлгән «украина 2024-йили» намлиқ мунбәр йиғини мунасивити билән чақирилған ахбарат елан қилиш йиғинида сөз қилди.
зеленский меколайив районидики портлардин ашлиқ тошушни әслигә кәлтүрүш мәсилиси үстидә тохтилип: «мән җумһур рәис әрдоғанниң миколайив районида деңиз йолини ечишимизға йардәм берәләйдиғанлиқиға ишинимән. түркийәниң бирләшкән дөләтләр тәшкилати баш катипи антонийо гутерес билән қара деңизда деңиз сәпәрлири әркинлики мәсилисини музакирә қилғанлиқини билимән. биз бу хил музакирәгә тәййармиз. бу мәсилиниң (йәршари тинчлиқи алий дәриҗилик рәһбәрләр йиғининиң) тунҗи ечилиш йиғинидила һәл болидиғанлиқиға ишинимиз» деди.
