йоргос баш министир мичотакисниң түркийә зийарити тоғрисида тохталди

түркийә авази радийоси хәвири: йоргос йерапетритис гиретсийә дөләт телевизийәсиниң, гиретсийә баш министири кирйакос мичотакисниң түнүгүнки әнқәрә зийарити вә җумһур рәис рәҗәп таййип әрдоған билән өткүзгән сөһбитигә даир соаллириға җаваб берип: «түнүгүнки учришиштин кейин, биз түркийә-гиретсийә мунасивити вә сөһбәтлириниң йеңи мусаписигә қәдәм қойдуқ. бу җәрйан нормаллиқни асас қилиду. баш министир (мичотакис) ейтқандәк, бу үнүм мәркәзлик нормаллиқ» деди.

министир йерапетритис өзи көздә тутуватқан нормаллиқниң даимлиқ алақилишишни көрситидиғанлиқиға ишарәт қилип: «һәр қетим көрүшкәндә көп тәрәплимилик келишимләрни түзүш, интайин муһим мәсилиләрни музакирә қилиш унчивала муһим әмәс. биз учришишимиз һәмдә мунтизим учришип турушимиз керәк» деди.

әң муһими киризис пәйда қилмай йаки җиддийликни күчәйтмәй туруп, пикир охшимаслиқлирини оттуриға қойуш икәнликини билүргән йерапетритис, түп мәқсәтниң диққәтни өзара мәнпәәт йәткүзидиған мәсилиләргә мәркәзләштүүрүш икәнликини оттуриға қойди.

гиретсийәниңму, җәнубий қибрис рум һакимийитиниңму түркийә-гиретсийә мунасивитиниң йахшилинишиниң қибрис мәсилисигә алақидар сөһбәтләргә иҗабий төһпә қошидиғанлиқиға ишинидиғанлиқиға ишарәт қилған министир йерапетритис, гиретсийәниң қибристики икки тәрәп сөһбәтлириниң әслигә келишини қоллайдиғанлиқини қәйт қилди.