israiliyening washingtondiki elchixanisi aldida bir esker özige ot qoyup berdi

türkiye awazi radiyosi xewiri: amérika hawa armiyeside aktip wezipe ötewatqan 25 yashliq aron bushnélning naraziliqi we özige ot qoyup bergen chaghda singha élinghan widéo körünüshliri ijtimaiy taratqularda keng tarqaldi.

widéoda, bushnél herbiy forma kiygen halda özining amérika hawa armiyeside aktip wezipe ötewatqan bir esker ikenlikini tonushturup: «emdi irqiy qirghinchiliqqa qatnashmaymen» deydu.

bushnél israiliyening washingtondiki elchixanisi aldida, « men hazir bir qeder éghir naraziliq bildürmekchimen, emma pelestinliklerning ishghalchilarning qolida bashtin kechürüwatqanlirining aldida méning bu herikitim chong ish emes» deydu.

bushnél israiliye elchixanisining aldida béshigha bénzin quyup, özige ot qoyup bergendin kéyin taki nepsi toxtighangha qeder «pelestinge erkinlik!» dep qayta-qayta warqiraydu.

elchixana saqchilirining «sizge yardem qilalamdim?» dep sorighandin kéyin, «derhal yerde yat!» dégen sözliri, bashqa bir saqchining bolsa, «qoralgha emes, ot öchürgüchke éhtiyajliqmiz» dégenliki anglinidu.

washington ot öchürüsh tarmiqi we jiddiy qutquzush mulazimet emeldarining éytishiche, bu weqe heqqide shu yerning waqti 13:00 etrapida washington ot öchürüsh tarmaq etritige téléfonda xewer bérilgen.

télfonda  bir kishining washingtondiki israiliye elchixanisi binasi aldida özige ot qoyup bergenlikiliki bildürülgen.

ot öchürüsh idarisi mesuli: «biz neq meydangha yétip barghanda, forma kiygen mexpiy xadim teripidin otning öchürülgenlikini körduq» dep bayanat élan qilghan idi.

mesullar özige ot qoyup bergen kishining rayonluq doxturxanida balnéstqa élinghanliqini, éghir yarilanghanliqi sewebidin ehwalining intayin xewplik ikenlikini bildürgen bolsimu, emma uning kimliki yaki baghlinishi toghrisida héchqandaq tepsiliy melumat bermigen idi.