engliye rusiyege qarshi yéngi émbargo yürgüzidu
engliye ukrainani ishghal qilish urushi bashlighanliqigha ikki yilni toshquzghan rusiyege qarshi muhim kirim menbelirini nishan qilghan émbargo yürgüzidighanliqini jakarlidi.
türkiye awazi radiyosi xewiri: engliye tashqi ishlar wazariti ukraina-rusiye urushi bashlanghanliqigha ikki yil toshushtin ikki kün ilgiri bayanat élan qilip, rusiyege qarshi 50 din artuq shexs we idare-organlarni nishan qilghan yéngi émbargo yürgüzidighanliqini bildürdi.
bayanatta, émbargolarning engliyening ukrainagha bolghan tewrenmes qollishini namayan qilidighanliqi qeyt qilindi.
bayanatta, émbargolarning rakéta étish sistémiliri, bashqurulidighan bomba we partlatquch qatarliq oq-dora bilen teminligüchilerge bésim qilidighanliqi, rusiyening muhim kirim menbelirinimu nishan qilidighanliqi, métal, almas we énérgiye sodilirigha cheklime qoyup, pul-muamile munasiwetlirinimu her nuqtidin üzüp tashlaydighanliqi bildürüldi.
engliye tashqi ishlar weziri dawid kaméron bu heqte toxtilip: «xelqara iqtisadiy bésim, rusiyening bu qanunsiz ishghalni iqtisadiy jehettin qolliyalmaydighanliqini bildüridu. émbargolirimiz putinni urush üchün éhtiyajliq bolghan iqtisadiy menbelerdin mehrum qalduridu» dédi.