amérika ghezzede kélishim hasil qilishning mumkinlikini bildürdi
isirailiyening pelestinde puqralargha qaratqan zorawanliqliri dawamlishiwatqan bir waqitta, amérika yéngi bayanat élan qildi.
türkiye awazi radiyosi xewiri: amérika tashqi ishlar ministirliqi bayanatchisi mattéw millér kündilik muxbirlarni kütüwélish yighinida muxbirlarning soaligha jawab bergende, israiliye urush kabinétining ezasi bénniy gantzning «kishini ümidlendüridighan deslepki alametler» bar dégen sözi xatirilitilgende: «bizningche bu yerde kélishim hasil qilidighan (paydiliq) orun bar dep oylaymiz, biz bu mesilini estayidil oylishimiz» dédi.
u sözide, amérikaning esirlerni qoyup bérish we toqunushni toxtitish arzusini eskertip, ghezzede «hasil qilinghan kélishimni körüshni xalaydighanliqliri» ni bildürdi.
u: «biz hasil qilinghan kélishimni körüshni xalaymiz, kélishimning baldurraq hasil qilinishini körüshni xalaymiz, bu elwette ramizandin ilgiriki (11-mart) waqitni öz ichige alidu» dédi.
millérning mezkur bayanati israiliye urush kabinétining ezasi bénniy gantzning pelestin guruppiliri bilen «yéngi esir almashturush kélishimi tüzüsh tirishchanliqlirining dawamlishiwatqanliqi» we bu mesilide «ilgirilesh alametlirining barliqi» heqqide qilghan sözliridin kéyin, élan qilindi.
hamasning qoralliq qaniti izzeddin el qessam birigadiliri 7-öktebir (2023) israiliyege keng kölemde hujum qozghidi.
isirailiyening 7-öktebirdin buyan ghezzege qilghan hujumlirida, eng az dégende 12 ming 660 kichik bala, 8 ming 570 ayal bolup jemiy 29 ming 313 pelestinlik jénidin ayrildi, 69 ming 333 kishi yarilandi.
2023-yili 24-noyabir töt künlük urush toxtitilghan we bu üch kün uzartilghan idi. bu jeryanda, 81 isirailiyelik we 240 pelestinlik mehbus özara almashturuldi.
