rusiye tanka we uchqu yasashni köpeytken
rusiye dölet mudapie ministiri sérgéy shoygu tanka, uchqu we zembirek oqliri yasash miqdarini köpeytkenliklirini bildürdi.
türkiye awazi radiyosi xewiri: rusiye dölet mudapie ministiri sérgéy shoygu bayanat élan qilip, ötken yili (2023) armiyede ishlitilgen uchqularning sani 17 hesse, tankilarning sani alte hesse köpeytilgenlikini, zembirek oqi we ayropilan oqliri saniningmu 17.5 hesse köpeytilgenlikini bildürdi.
ministir shoyguning bayanatida qeyt qilinishiche, 2023-yili armiyege 540 mingdin artuq esker qobul qilinghan bolup, bu alte déwiziyedin terkip tapqan zapas armiyeni teshkilleshni kapaletke ige qilghan.
u: «bügünki künde bular küchlük qisimlardin teshkillengen we yaxshi meshiq qildurulghan kespiy herbiy qisimlar. bu yil (2024) ning béshidin tartip texminen 50 ming esker qobul qilindi we bu san dawamliq köpeymekte» dégen.
u ukraina armiyesining 2023-yili yazda qayturma hujumgha ötkende, rusiye armiyesining aldinqi mudapie sépinimu bösüp ötelmigenlikini eskertti.
sérgéy shoyguning déginidek, mudapie sépining %80 i inzhénérlar we tömür yoli herbiy qisimliri teripidin shekillendürülgen idi. rusiye sep boyiche köp miqdarda ména kömgen idi. rusiye mudapie sépi etrapining ména étizliri bilen orilishi, ukrainaning qayturma hujumini muweppeqiyetsizlikke uchratqan seweblerning biri süpitide körülmekte.
