hindistandiki déhqanlarning namayishida saqchilar bir namayishchini öltürdi
hindistanda bir heptidin buyan namayishlirini dawamlashturuwatqan déhqanlar bilen saqchilar otturisida toqunush yüz bérip, tunji qétim bir namayishchi qaza qildi.
türkiye awazi radiyosi xewiri: hindistan saqchiliri haryana ölkisi chégrasidiki paytext yéngi déhligha baridighan yolni tosti.
déhqanlar tosuqlarni chéqip tashlaydighanliqini élan qilghandin kéyin, saqchilar yash aqquzush bombisi étip namayishchilarni tarqitiwétishke urundi.
weqede, bir namayishchi qaza qildi. saqchi terep 24 yashliq déhqanning saqchilar teripidin öltürülgenlikige dair tekshürüsh élip baridighanliqlirini bildürdi.
chiqqan sürkilishlerde, déhqanlar tash étip nurghun saqchilarni yarilandurdi.
déhqanlarning nuqtiliq teshkilatliridin biri bolghan «penjap ishchi - déhqan sanxarsh komitéti» ning bash katipi sarwan singi pandér ejellik weqedin kéyinki heriket pilanini 23 - féwralda qarar qilidighanliqlirini we shu waqitqiche namayishni toxtitidighanliqlirini élan qildi.
hindistan2021 - yilidimu déhqanlarning namayishigha sehne bolghan idi.
hindistanda déhqanlar hökümetning yardem miqdarigha naraziliq bildürmekte.
