gwiniyede hökümet ezalirining pasporti musadire qilinip, banka hésabliri tonglitildi
gwiniyede hökümet tarqitiwétilgendin kéyin, hökümet ezalirining pasporti musadire qilindi we banka hésabliri tonglitildi.
2105354
türkiye awazi radiyosi xewiri: gwiniye dölet téléwiziyeside oqulghan uqturushta, 19-féwralda tarqitiwétilgen hökümet ezalirining banka hésablirining tonglitilghanliqi, diplomatik pasportlirining musadire qilinghanliqi, qoghdighuchiliri, qarawulliri we yardemchilirining wezipisidin élip tashlanghanliqi élan qilindi.
bu tedbirlerning néme sewebtin élinghanliqi heqqide héchqandaq chüshendürüsh bérilmidi.
gwiniyediki ötkünchi hökümetning rehbiri mamadi domboya 2021 - yili 5 - séntebirde pirézidént alfa kondéni aghdurup tashlap, hakimiyetni tartiwalghan idi.
bash ministir bérnard gomo bashchiliqidiki hökümet 2022-yili 7-ayda qurulghan idi.
dumboya démokratik saylamning bu yilning axirida élip bérilidighanliqigha wede bergen idi.
