gébréyus: dunya yéngi bir yuqumgha taqabil turushqa teyyar emes
dunya sehiye teshkilati bash diréktori tédros adanom gébréyus dunyaning yéngi bir yuqumgha teyyar emeslikini éytti.
türkiye awazi radiyosi xewiri: gébréyus CNN ning söhbet pirogrammisida söz qilip, yéngi bir yuqum (kowid-19) we uningdin kéyinki ehwallar toghrisida toxtaldi.
gébréyus kowid-19 yuqumi mezgilidiki uchurdin teng behrilinish we özara maslishishtiki saqliniwatqan mesililerning hélihem dawam qiliwatqanliqini otturigha qoyup, dunyaning yéngi bir yuqumluq késellikke taqabil turushqa teyyar emeslikini qeyt qildi.
gébréyus barliq döletlerni waksina we dora qatarliq yuqumgha qarshi turushta ishlitilidighan qoral we muhim uchurlarni ortaqlishishqa qolayliq yaritish üchün «tarqilishchan zukam kélishimi» imzalashqa chaqirip: «körüp turuwatqinimizdek, sistémimizda kemtüklükler bar. eger birer ish yüz berse, teyyarliqimiz bolmighachqa, her qandaq ish yüz bérishi mumkin. emma biz buninggha derhal ariliship, ziyanni eng töwen chekke chüshüreleymiz» dégenlerni qeyt qildi.
