huweyj: «erdoghan bilen sisining uchrishishi liwiyening tézdin qayta qurulushigha töhpe qoshidu»
liwiye iqtisad we soda ministiri muhemmed eli el huweyj jumhur reis rejep tayyip erdoghan bilen misir pirézidénti abdulfettah el sisining uchrishishining liwiyening tézdin qayta qurulushigha töhpe qoshidighanliqini éytti.
türkiye awazi radiyosi xewiri: muhemmed eli el huweyj misirning el shems téléwiziye qaniligha bergen bayanatida, özlirining erdoghan bilen sisining uchrishishidin xushal bolghanliqini bildürdi.
muhemmed eli el huweyj türkiye bilen misirning liwiyening tarixi we iqtisadiy jehettiki ikki shériki ikenlikini tilgha élip, erdoghan bilen sisining uchrishishi shundaqla türkiye we misir shirketlirining uchrishishining liwiyening téz tereqqiy qilishi we qayta qurulushigha töhpe qoshidighanliqini tekitlidi.
muhemmed eli el huweyj: «ularning hemmisining tejribisi we yoshurun küchi bar, biz ularning hemmisidin payda alalaymiz» dédi.
erdoghan 14 - féwraldiki misir ziyariti dairisde, sisi bilen körüshken bolup, uchrishishta liwiye mesilisi shundaqla ikki döletning munasiwetliri muzakire qilinghan idi.
