xelqara sot: israiliye waqitliq aldini élish tedbirlirini derhal yolgha qoyushi kérek
xelqara sot mehkimisi ghezze weziyitining intayin éghir ikenlikini, israiliyening waqitliq tedbirlerni paal shekilde derhal yolgha qoyushi kéreklikini otturigha qoydi.
2103588
türkiye awazi radiyosi xewiri: xelqara sot jenubiy afriqaning refahqa hujum qilishni pilanlawatqan israiliyege qarita yéngi tedbirlerni yolgha qoyush telipi toghrisidiki qararini élan qildi.
mehkimining bu heqtiki yazma bayanatida, sotning 2024-yili 26-yanwar chiqarghan alte türlük aldini élish tedbirlirining refahni öz ichige alghan pütün ghezze rayoni üchün küchke ige ikenliki eskertilip, «aldini élish tedbirlirini derhal we ünümlük yolgha qoyushning zörüriyiti»ni tekitlidi.
mehkime ghezze, bolupmu refahning nöwettiki weziyitige «intayin qorqunchluq» dep baha bérip, birleshken döletler teshkilati (b d t) bash katipi antoniyo gutérrésning israiliyening refahqa hujum qilish teyyarliqi toghrisidiki: «nöwettiki qabahetlik weziyetni téximu éghirlashturup, rayonda teswirligüsiz aqiwetlerni keltürüp chiqiridu» dégen agahlandurushini eslitip ötti.
bayanatta, sotning 2024-yili 26-yanwar chiqarghan alte türlük aldini élish tedbirlirining refahni öz ichige alghan pütün ghezze rayoni üchün küchke ige ikenliki, bashqa qoshumche tedbirlerni yolgha qoyushni telep qilishqa kérek yoqluqi qeyt qilindi.
sot mehkimisi, israiliyening ghezzediki pelestinliklerning bixeterlikige kapaletlik qilish mejburiyiti barliqini tekitlep, uning irqiy qirghinchiliq ehdinamisi we aldini élish tedbirlirige toluq emel qilishi kéreklikini eskertti.
.
