baydin: rus öktichi nawalniyning ölümining jawabkari putin
amérika pirézidénti jo baydin rus öktichi alékséy nawalniyning türmide ölüp kétishining jawabkarining rusiye pirézidénti wiladimir putin ikenlikini ilgiri sürdi.
türkiye awazi radiyosi xewiri: pirézidént jo baydin aqsarayda ötküzülgen muxbirlarni kütüwélish yighinida, amérikaning nawalniyning ölümige tutqan pozitsiyesi we bu yönilishte kelgüside tashlaydighan qedemliri toghrisida toxtaldi.
nawalniyning ölümi toghrisidiki xewerlerning toghra emeslikige ishinishke héchqandaq asasi yoqluqini bildürgen baydin: «men alékséy nawalniyning ölümi toghrisidiki xewerlerni anglap heyran qalmidim, emma ghezipim keldi. putin uni zeherlidi, qolgha élip sotlidi. uni türmige solap, yalghuzlashturdi» dédi.
baydin moskwaning nawalniy heqqide bashqiche qarashlarni otturigha qoyidighanliqigha isharet qilip: «putin nawalniyning ölümining jawabkari. uning béshigha kelgen ishlargha putin mesul» dédi.
u moskwagha hazirghiche nurghun jaza yürgüzgenliklirini, nawalniyning ölümi dairiside yéngi jazalarning yolgha qoyulushining éytti.
rusiye fédératsiye türme idarisi qamaqtiki öktichi nawalniyning tünügün türmide qaza qilghanliqini uqturghanidi.
