barzani: p k k türkiye üchün tehdit, bizge nisbeten éghir bash aghriqi...
iraq kurd rayonluq hökümet reisi nechirwan barzani bölgünchi térrorluq teshkilati — p k k ning hem kord rayonluq hökümiti hemde baghdad merkiziy hökümiti üchün «éghir bash aghriqi» ikenlikini éytti.
türkiye awazi radiyosi xewiri: nechirwan barzani «elerebiyye» qaniligha bayanat bérip, iraqtiki shie xelq eskerlirining heriketliri (amérika bazisigha hujum qilish)ge xatime bérishi kéreklikini otturigha qoyup, özining baghdadtin iraq kord rayonluq hökümitini qoghdiyalmasliqidin ensireydighanliqini bildürdi.
u amérika bashchiliqidiki birleshme qisimlarning iraqtiki mewjutluqi toghrisida toxtilip: «iraq kord rayonluq hökümitining birleshme qisimlarning mewjutluqi mesilisige öz aldigha emes, iraq merkiziy hökümiti bilen birlikte qarar qilidighanliqi»ni qeyt qildi.
bölgünchi térrorluq teshkilati — p k k ning kord rayonluq hökümiti zéminliridin paydilinip türkiyege qarshi weqe peyda qilishini qetiy ret qilidighanliqini tekitligen barzani, bu teshkilatning qoshna döletler (türkiye) üchün tehdit, erbil bilen baghdad üchün «éghir bash aghriqi» ikenlikini eskertti.
