sisi: misir bilen türkiye ghezze mesiliside yaxshi netijilerni qolgha keltüreleydu
misir pirézidénti abdulfettah essisi: «misir bilen türkiye ghezze mesilisidimu qolni qolgha tutushup intayin yaxshi netijilerni qolgha keltüreleydu» dédi.
türkiye awazi radiyosi xewiri: misir pirézidénti abdulfettah essisi resmiy dölet shiliri ziyaritide bolush üchün qahirege yétip kelgen jumhur reis rejep tayyip erdoghan bilen birlikte ötküzülgen axbarat élan qilish yighinida söz qildi.
u jumhur reis rejep tayyip erdoghanning aridin 10 yildin artuq waqit ötkendin kéyin misirni ziyaret qilghanliqidin xushalliq hés qilghanliqini bildürüp: «ikki dölet otturisida yéngi sehipe achimiz» dédi.
u rejeptayyip erdoghan bilen ghezzening nkwettiki weziyitini muzakire qilghanliqlirini eskertip: «ghezzede derhal urush toxtitilishi we gherbiy qirghaqtiki keskin weziyetning peseytilishi mesiliside, türkiye jumhur reisi bilen oxshash pikirdimen» dédi.
u türkiye bilen özara hemkarliq ornitishni tekitlep: «misir bilen türkiye ghezze mesilisidimu qolni qolgha tutushup intayin yaxshi netijilerni qolgha keltüreleydu» dédi.
u misir-türkiye munasiwetliri üstidimu toxtaldi we mundaq dédi:
«pat yéqindiki nishanimiz, türkiye bilen 15 milyard dollarliq soda omumiy hejimini emelge ashurush.»
u rejep tayyip erdoghanning özini türkiyege teklip qilghanliqini bildürüp: «jumhur reis rejep tayyip erdoghanning aprél éyida türkiyeni ziyaret qilish teklipini sewrsizlik bilen kütmektimen» dédi.
u axirida mundaq dédi:
«misir türkiyening afriqadiki birinchi nomurluq soda shériki, türkiyemu misir ékisportida muhim orunda turidighan dölet. rayonda küchlük tesirge ige bu ikki döletning tinchliq we muqimliqning emelge éshishida muhim rol oyniyalaydu.»