gérmaniyening qarari 3-dunya urushining xewerchisimu?
mudapie xamchotlirini yuqiri miqdarda köpeytishni qarar qilghan gérmaniyening armiye ishtab bashliqi kastén boya (Carsten Breuer) besh yildin sekkiz yilghiche «urushqa teyyar haletke kélish» kéreklikini bildürdi.
türkiye awazi radiyosi xewiri: gérmaniye armiye ishtab bashliqi kastén boya «Welt am Sonntag» gézitining ziyaritini qobul qilghanda, «urushqa teyyar haletke kélish» ke bir jeryan kétidighanliqini eskertip: «bizning cheksiz waqtimiz yoq, chünki soghuq urush axirlashqandin buyan tunji qétim urush éhtimalliqi sirttin bizge mejburiy téngiliwatidu. analizchilarning déginige qarighinimizda we rusiyening yoshurun herbiy tehditini közetkinimizde, biz üchün besh yildin sekkiz yilghiche teyyarliq waqtimizning barliqini körimiz. bu del ashu waqitta urush bolidu, dégenlik bolmisimu bu mumkin. men esker bolghanliqim üchün besh yil ichide urushqa teyyar haletke kélishimiz kérek, deymen» dédi.
gérmaniye ikki yil ilgiri ukraina-rusiye urushi partlighanda mudapie xamchotlirini yuqiri miqdarda köpeytishni qarar qilghan bolup, yéngi téxnologiyelik qoral-yaraghlarni sétiwélish we armiyeni zamaniwiylashturush üchün 100 milyard yawro mexsus xamchot ajratqan idi. bu ramkida, amérikadin «F-35» ayropilani, chinuk (Chinook) tiransiport tik uchari we isirailiyedin «Arrow-3» bashqurulidighan bomba qalqan sistémisi sétiwélish qatarliq nurghun qoral-yaragh kélishimlirini imzalidi.
