b d t: ukrainada tinchliq üchün mesilini yiltizidin hel qilish kérek
b d t ukrainada urushning toxtitilishi we tinchliqning ornitilishi üchün bir kélishimning yéterlik bolmaydighanliqini, mesilini yiltizidin hel qilish kéreklikini bildürdi.
türkiye awazi radiyosi xewiri: b d t ning yawropa, ottura asiya we amérika ishlirigha mesul muawin bash katipi miroslaw jénka xewpsizlik kéngishide rusiyening telipige binaen échilghan ukraina yighinida, eza döletlerge melumat berdi.
u rusiyening ukrainani «ishghal qilish urushi» bashlighanliqigha ikki yil bolghanliqini xatirilitip, eslide ukrainada urushning bashlinishini 2014-yilighiche uzartishqa bolidighanliqini untumasliq kéreklikini eskertti.
u ukrainadiki urushning barghanséri shiddetliniwatqanliqidin we puqralargha qattiq tesir körsitiwatqanliqidin endishe qiliwatqanliqlirini bildürüp, mesilini adil we uzun muddetlik hel qilish charisining tedrijiy buzuluwatqanliqini qeyt qildi.
u: «tinchliq kélishimining öz aldigha zorawanliqlarni axirlashturush üchün yéterlik bolmaydighanliqini bilimiz. tinchliq ornitish tirishchanliqliri mesilini yiltizidin hel qilishqa küchishi kérek. jemiyettiki barliq qatlamlarning mesilini hel qilishqa adil shekilde qatnishishi muhim ehmiyetke ige» dédi.
u ukraina üchün asasliq éhtiyajning b d t shertnamisi, xewpsizlik kéngishining qararliri we xelqara qanungha muwapiq uzun muddetlik shundaqla hemmige quchaq achidighan tinchliq ikenlikini eskertip, jiddiy weziyetni peseytish we diplomatik tirishchanliqlarni kücheytishke chaqirdi.
مۇناسىۋەتلىك خەۋەرلەر
