israiliyening qirghinchiliqi xelqara jinayi ishlar sotining qararini ayagh asti qilghanliqtur

türkiye awazi radiyosi xewiri: hamas israiliyening «bixeter rayon»  dégen yalghinini élgiri sürüp, xelqni qoghlap chiqarghan ghezzening jenubidiki refah shehiride kéchide élip barghan qirghinchiliqining, eslide pelestinliklerge irqiy qizghinchiliq yürgüzüsh we mejburiy yurtliridin köchürüsh urushining dawami ikenlikini bildürdi.

hamas siyasiy biyurosi ezasi izzet errishk israiliyening refah shehride 100 din artuq pelestinlik öltürülgen hujumliri heqqide bayanat élan qildi.

izzet errishk hamasning ijtimaiy taratqu bétide élan qilghan bayanatida: «ishghaliyetchi israiliyening refahta bügün kechte 100 din artuq kishini shéhit qilghan qirghinchiliqi, pelestinliklerge irqiy qizghinchiliq yürgüzüsh we mejburiy yurtliridin köchürüsh urushining dawamidur» dédi.

izzet errishk israiliyening refahqa qilghan hujumining bényamin nétanyahu hökümitining «irqiy qirghinchiliq» dep qarilidighan her qandaq qedimini toxtitishqa dair xelqara jinayi ishlar sotining muhim chare-tedbir élish qararini ayagh asti qilghanliqini ispatlap bergenlikini tekitlep: «tünügün nétanyahugha yaqqan yéshil chiragh we uning irqiy qirghinchiliq urushini dawamlashturushi üchün ochuq-ashkara bergen yardemliri sewebidin (amérika pirézidénti jo) baydin hökümitimu nétanyahu hökümiti bilen birlikte refah qirghinchiliqining toluq jawabkari hésablinidu» dédi.

israiliyening puqralargha qaratqan irqiy qirghinchiliq jinayitining toxtitilishi kéreklikini telep qilghan izzet errishk: «ereb ittipaqi, islam hemkarliq teshkilati we birleshken döletler teshkilati xewpsizlik kéngishini ghezze rayonidiki mudapiesiz puqralargha qarshi siyonistlarning tajawuzchiliqi, shundaqla dawamlishiwatqan irqiy qirghinchiliq jinayitini toxtitish üchün, jiddiy hemde estayidil heriket qilishqa chaqirimiz» dédi.