amérikada alte kishini élip mangghan tik uchar chüshüp ketti
amérikada alte kishini élip mangghan tik uchar kaliforniyege qarashliq mojawé qumluqida chüshüp ketti.
2100570
türkiye awazi radiyosi xewiri: sén bérnandino rayonluq saqchi idarisining bayanatida, tik ucharning aldinqi küni kechte las wigasning gherbiy jenubigha 150 kilomitir kélidighan mojawé qumluqidiki kichik bir yéza etrapigha chüshüp ketkenliki bildürüldi.
alaqidar tarmaqlar palm springg ayrodoromidin 6 kishini élip uchqan tik ucharning néwada ishtatigha kétiwétip chüshüp ketkenlikini we weqening sewebining téxiche éniqlanmighanliqini bayan qildi.
amérika fédératsiye awiatsiye idarisi (FAA) ning bayanatida, hadiside hayat qalghanlarning bar yaki yoqluqini éniqlighili bolmighanliqi, izdesh we qutquzush xizmetlirining dawamlishiwatqanliqi uqturuldi.
