israiliye rafah shehirige wehshiylerche hujum qilip, 14 pelestinlikni öltürdi
israiliye qisimlirining ghezzening jenubidiki rafah shehirige qilghan wehshiylerche hujumlirida kem dégende 14 pelestinlikning öltürülgenliki bildürüldi.
2100335
türkiye awazi radiyosi xewiri: pelestin xewer agéntliqi WAFA ning xewirige asaslanghanda, israiliye rafahning shimalidiki en-nasir mehellisi we sherqtiki el-jennine mehelliside puqralar turushuluq öylerni bombardiman qilghan. hujumda nasirda kem dégende 11 pelestinlik, jeninede 3 pelestinlik öltürülgen.
israiliye qisimliri yene, xan yunusning sherqide öy makanliridin ayrilghan pelestinlikler panahliniwatqan mektepkimu zembirek bilen hujum qilghan. mektepte ot apiti yüz bergen. adem ölüsh weqesi körülgen yaki körülmigenliki heqqide hazirche héchqandaq uchur yoq.
israiliyening ghezzege qarita 7 - öktebirde bashlighan wehshiylerche hujumlirida öltürülgen pelestinliklerning sani jemiy 27 ming 947 ge yetkenliki bildürüldi.