isirailiyede xelq ikkige ayrildi
isirailiyede «ashqun ongchilar ghezzede hamas bilen , esir aililiri » dédi.
türkiye awazi radiyosi xewiri: isirailiyede texminen ming kishilik ashqun ongchi bir guruppa, gherbiy quddustiki parlamént binasi aldida toplandi.
hamas bilen israiliye otturisida ghezzede urush toxtitish we özara esir almashturushni közde tutqan kélishimge qarshi chiqqan namayishchilar, «hamasqa herbiy jehettin qilinghan bésimla esirlerni élip kéleleydu», «nétanyahu, biz siz bilen bille, ghelibe qiling», «hamas üchün yéqilghu yoq» dep shoarlar yézilghan lozunkilarni, israiliye bayriqi we israiliye armiyesining ghezzediki zéminini ishghal qilish jeryanida jénidin ayrilghan eskerlerning resimini kötürüwaldi.
israiliye metbuatlirining xewirige qarighanda, israiliyelik esirlerning onlarche tughqanliri we qollighuchiliri paytext tél awiwgha yighilip, hökümetni ghezzede urush toxtitishqa, özara mehbus almashturush kélishimi üchün tirishishqa chaqirghan.
namayishchilar ghezzediki isirailiyelik esirlerning resimlirini we «waqit axirlishiwatidu» dep shoar yézilghan lozunkilarni kötürdi.
hamasning qolida beziliri isirailiyening bombardimanlirida jénidin ayrilghan 136 isirailiyelik esir we jesetlerning barliqi texmin qilinmaqta.
bildürülishiche, hamas ghezze rayonida her biri 45 kün dawamlishidighan üch basquchluq mehbus almashturush we urush toxtitish pilanini qobul qilghan.
israiliye bash ministiri bényamin nétanyahu hamasning telipini qobul qilmaydighanliqlirini we armiyeni ghezzening jenubidiki refah shehirige hujum qilishqa teyyarliq qilish toghrisida perman chüshürgenlikini éytqan idi.
israiliye armiyesi 1 milyon 400 minggha yéqin mejburiy köchürülgen pelestinlik panahliniwatqan refah shehirige hawa hujumi qildi.
israiliyening 7-öktebir (2023) din bashlap ghezze rayonigha qilghan hujumida, kem dégende 12 ming bala we 8 ming 190 ayalni öz ichige alghan 27 ming 840 pelestinlik jénidin ayrildi, 67 ming 317 adem yarilandi.
xarabilik astida minglighan kishining jesitining barliqi xewer qilinmaqta. yene bir tereptin, xelq panahliniwatqan doxturxana we maarip orunlirimu bombardiman qilinip, ul-esliheler weyran qilinmaqta.
