rusiye bilen ukraina esir almashturdi
rusiye bilen ukraina otturisida emelge ashqan esir almashturushta, her ikki tereptin 100 din esker qoyup bérildi.
türkiye awazi radiyosi xewiri: ukraina pirézidénti wolodimr zélénskiy éks (X) adrésida uchur hembehrlep: «100 eskirimiz ailisige qaytti. bügüngiche 3 ming 135 ukrainaliq rusiyening zulmidin qutquzuldi» dédi.
rusiye dölet mudapie ministirliqining bu heqtiki bayanatidimu, ukraina bilen esir almashturulghanliqi we ukraina kontrolluqidiki jaylardin 100 rusiye eskirining qayturup kélingenliki bildürüldi.
bayanatta mundaq déyildi:
«ukrainaning 100 eskiri ötküzüp bérildi. rusiye eskerliri ministirliqning sehiye merkizide dawalinishi üchün ayropilan bilen moskwagha ewetildi. ereb birleshme xelipiliki rusiye eskerlirining qoyup bérilishi üchün insanperwerlik wastichi boldi.»
ikki yildin buyan urushuwatqan ukraina bilen rusiye otturisida 31-yanwar (2024) élip bérilghan axirqi esir almashturushta, her ikki tereptin 195 esker qoyup bérilgen idi.
