haytidiki namayishlarda 6 kishi étip öltürüldi we onlighan kishi yarilandi
haytida bash ministir ariél hénrining istipa bérishini telep qilip ötküzülgen namayishta toqunush yüz bérip, 6 kishi qaza qildi we onlighan kishi yarilandi.
türkiye awazi radiyosi xewiri: rayon metbuatlirining xewerlirige asaslanghanda, bash ministir hénrining istipa bérishini telep qilghan minglighan kishi bir qanchilighan sheherlerde saqchilar bilen toqunushqan.
tuqunushlarda 6 kishi étip öltürülgen we onlighan kishi yarilanghan.
nurghun kishilerning qolgha élinghanliqi, bixeterlik qisimliri kontrolluqini yoqitip qoyghanliqi sewebidin, shaykilarning heriketke otkenliki bildürülmekte.
memliket miqyasida minglighan kishi meydanlargha chiqip, «bixeterlikke kapaletlik qilalmighanliqi we iqtisadiy krizisqa hel qilish charisi tapalmighanliqi» sewebi bilen bash ministir hénrining istipa bérishini telep qilmaqta.
birleshken döletler teshkilati hayti uniwérsal ishxanisining 2 - féwralda teyyarlighan doklatida, 2023-yilining axirqi 3 éyida haytida 2300 din artuq kishining öltürülgenliki, yarilanghanliqi yaki tutqun qilinghanliqi we bu sanning aldinqi 3 aygha sélishturghanda %10 ashqanliqi bildürülgen idi.
