yawropa rusiyege 13-qétimliq émbargo yürgüzüshke teyyarlandi
bélgiye tashqi ishlar ministiri xadja lahbib (Hadja Lahbib) yawropa ittipaqi ukrainani qollashni dawamlashturuwatqan bir waqitta, 24-féwral (2024) da rusiyege qarshi 13-qétimliq émbargoni yolgha qoyushni pilan qilghanliqini bildürdi.
türkiye awazi radiyosi xewiri: bélgiye tashqi ishlar ministiri xadja lahbib ukrainani 1 milyon pay zembirek oqi bilen teminleshning süritini tézleshtürüsh kéreklikini tekitlep: «hazir bu nishangha yétishtin yiraqmiz. texmin qilinishiche, mart éyighiche 524 ming pay zembirek oqi ewetilidu. emma, bu nishanimizdin xélila yiraq. shunga, qoshumche qedemlerni tashlishimiz we oq-dora ishlepchiqirishni ashurushimiz kérek» dédi.
qeyt qilinishiche, yawropa ittipaqi rusiyege qarshi 13-qétimliq émbargoni yolgha qoyidighan bolup, buninggha rusiye diplomatliri kirgüzülidiken.
rusiye 2022-yili 24-féwral bashlighan ukrainani ishghal qilish urushi sewebidin yolgha qoyulghan émbargolarda, rusiyedin biwaste almas import qilish, shuningdek suyuqlandurulghan propan, mis we alyumin simliri, litiy bataréyesi, shuningdek uchqu zapchaslirini sétish cheklinidu.
yéngi émbargoning yürgüzülüshi üchün barliq yawropa ittipaqi döletliri birdek qollishi kérek.
مۇناسىۋەتلىك خەۋەرلەر
