argéntina tél awiwdiki elchixanisini quddusqa yötkeydu

türkiye awazi radiyosi xewiri: argéntina pirézidénti xewiyér miléy  isirailiye ziyariti dawamida argéntinaning tél awiwdiki elchixanisini quddusqa yötkeshni xalaydighanliqini bildürdi.

isirailiye tashqi ishlar ministiri yirsaél katz argéntina pirézidénti xewiyér miléyni tél awiwdiki guriyon ayrodurumida kütüwaldi we isirailiyeni qollighanliqi hemde elchixanini quddusqa yötkeshni qarar qilghanliqi sewebidin teshekkür éytti.

isirailiye bash ministirliq ishxanisi bayanat élan qilip, nétanyahuning xewiyér miléyning  pirézidént bolghandin kéyin, özi bilen argéntina elchixanisini quddusqa yötkeshni muzakire qilghanliqini we uning «wedisige emel qilishini qizghin qarshi alidighanliqi» ni éytqanliqini bildürdi.

hamasmu bayanat élan qilip, argéntina pirézidénti xewiyér miléyning elchixanini quddusqa yötkesh qararigha naraziliq bildürdi.

bayanatta, argéntinaning qararining pelestin xelqige hujum qilish bolghinidin bashqa, quddus shehirini pelestinning zémini dep étirap qilidighan xelqaraliq qanunghimu xilap ikenliki tekitlendi.

argéntina pirézidénti xewiyér miléy isirailiyening 7-öktebir (2023) din buyan ghezzege qiliwatqan hujumlirini qollighan idi.