xitay xakkérlirining yaponiye mexpiy höjjetlirini qolgha chüshürgenliki ilgiri sürüldi
xitayning 2020-yili yaponiye tashqi ishlar ministirliqigha qaratqan tor hujumliri netijiside, ministirliqning mexpiy diplomatik höjjetlirining ashkarilinip ketkenliki ilgiri sürüldi.
türkiye awazi radiyosi xewiri: yaponiyening resmiy xewer agéntliqi — kyodoning ichki kabinét ezalirini menbe qilghan xewiride, yaponiye hökümitining 2020-yili bash wezir shinzo abi mezgilide xitay merkezlik keng kölemlik tor hujumlirigha uchrighanliqining bayqalghanliqi ilgiri sürüldi.
xewerde, ashkarlinip ketken höjjetlerning tashqi ishlar ministirliqi bilen chet ellerdiki diplomatik elchixanilar otturisidiki intayin mexpiy télégrammilarni öz ichige alidighanliqi, halqiliq ehmiyetke ige sezgür uchurlarning shifirliq intérnét alaqe qanili (IP-VPN)din paydilinip nusixilanghanliqi qeyt qilindi.
yaponiye ichki kabinéti bash katipi xayashi yoshimasaning, hökümetning tashqi ishlar ministirliqining mexpiy uchurlirining tor hujumi arqiliq oghrilanghanliqini téxi jezmleshtürmigenlikini bildürdi.
xayashi ministirliqning tor bixeterlikini qoghdash we kücheytish üchün, pütün küchi bilen tirishchanliq körsitiwatqanliqini sözlirige ilawe qildi.
