blinkén seudi erebistan shahzadisi muhemmed bin selman bilen körüshti
amérika qoshma ishtatliri tashqi ishlar ministiri antoniy blinkén israiliye ghezzege hujum qilishni dawamlashturuwatqan 2023-yili 7- öktebirdin buyan beshinchi qétim ottura sherqte ziyarette bolmaqta.
türkiye awazi radiyosi xewiri: ministir antoniy blinkén seudi erebistan text warisi shahzadisi muhemmed bin selman bilen paytext riyadta körüshti؛ ikki rehberning söhbet mudditi we mezmuni heqqide héchqandaq melumat bérilmidi.
munasiwetlik döletlerning alaqidar emeldarliri bilen ghezzede «esir almashturush we waqitliq urush toxtitish» mesililirini muzakire qilidighan antoniy blinkén, seudi erebistandin kéyin misirgha baridu.
pelestin islamiy qarshiliq körsitish herikiti — hamasning herbiy qaniti bolghan qessam birigadasi 7-öktebir israiliyege «eqsa topani» namliq keng kölemlik hujum qozghighanliqini jakarlighan. arqidin israiliye armiyesi urush ayropilanliri bilen ghezzege qarshi «tömür qilichlar» herikiti qozghighanliqini élan qilghanidi.
künséri keskinlishiwatqan toqunushlar netijiside, köpinchisi balilar bolup, jemiy 27 mingdin artuq pelestinlik qaza qildi.
مۇناسىۋەتلىك خەۋەرلەر
