yemen pirézidénti amérika mesulliri bilen körüshti
yemen pirézidéntliq kéngishi reisi rashad el alimi amérika tashqi ishlar ministirliqining yéqin sherq ishlirigha mesul muawin meslihetchisi barbara léf bilen körüshti.
türkiye awazi radiyosi xewiri: yemen pirézidéntliq kéngishi reisi rashad el alimi amérika tashqi ishlar ministirliqining yéqin sherq ishlirigha mesul muawin meslihetchisi barbara léf bilen körüshüp, yemenning bir qismining kontrolluqini alqinida tutup turuwatqan xusiylarning qizil déngiz we eden qoltuqidiki hujumliri üstide muzakire ötküzdi.
yemenning resmiy xewer agéntliqi- saba (SABA( ning xewirige asaslanghanda, rashad el alimi bilen barbara léfning seudi erebistan paytexti riyadta ötküzgen uchrishishigha, yemen tashqi ishlar ministiri awad bin mubarekmu qatnashqan.
uchrishishta, xusiylarning qizil déngiz we eden qoltuqida xelqara paraxotlargha qilghan hujumliri heqqide shundaqla dunya boyiche eng chong insanperwerlik kirizisi yüz bériwatqan yemendiki xelqning turmush sharaiti heqqide muzakirileshkenliki bildürüldi.
uchrishishta, rashad el alimining «iran qoralliri we etkes mebleghlirining xusiylargha chétishliq térrorluq teshkilatlirigha toxtimay éqishi, xelqaraning tinchliqi we bixeterliki üchün xewp élip kelmekte» dep agahlandurghanliqi uqturuldi.
