nétanyahu refahqa hujum qilishning bésharitini berdi
isirailiye bash ministiri nétanyahu bombardimandin qachqan texminen 1.5 milyon kishi panahliniwatqan refah shehirige quruqluqtin hujum qilishning bashlinidighanliqidin bésharet berdi.
türkiye awazi radiyosi xewiri: isirailiye bash ministirliq ishxanisi nétanyahuning ghezzediki toqunushlar toghrisida kabént yighinida qilghan sözlirini élan qildi.
buninggha asaslanghanda, nétanyahu isirailiyening xelqara jemiyet bolghan munasiwetlerde héchqandaq yardemge éhtiyajliq emeslikini tekitlep: «hamasni yoqitish» ning asasliq nishan ikenlikini éytqan.
u hazirghiche hamasning 24 birigadisidin 17 ni yoqatqanliqlirini bildürüp: «qépqalghan birigadilarning köpinchisi ghezzening jenubi we refahta panahliniwatidu, ularni yoqitimiz» dédi.
hamasning herbiy qaniti izzeddin el qassam birigadiliri 7-öktebir (2023) isirailiyege qarshi «eqsa topani» namida keng kölemde hujum qozghap, nurghun isirailiyeliklerni esir alghan idi.
isirailiye armiyesi buninggha jawaben ghezzede «tömür qilich herikiti» bashlighanliqini élan qilghan idi.
künséri keskinleshken toqunushlarda, köpinchisi kichik balilar we ayallar bolup, 27 mingdin artuq pelestinlik jénidin ayrildi.
